• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیلاب‘ پنجاب میں 7 لاکھ بچوں کا تعلیمی سلسلہ عارضی رک گیا

آج کا اخبار
اہم خبریں
08 ستمبر ، 2025
لاہور( این این آئی)پنجاب میں بدترین سیلابی صورتحال کی وجہ سے 7لاکھ سے زائد بچوں کا تعلیمی سلسلہ عارضی طور پر رک گیا ہے۔چیئرمین ٹاسک فورس برائے ایجوکیشن مزمل محمود نے بتایا کہ سیلاب کے باعث لڑکوں کے ایک ہزار 400اور لڑکیوں کے ایک ہزار 500اسکولوں سمیت صوبہ کے 2ہزار 900سے زائدا سکولز بند کرنا پڑے ۔ انہوں نے کہا کہ ایک ہزار 150اسکولوں میں پانی آیا، 850 سے زائد کی عمارتیں جزوی متاثر ہوئیں جبکہ 45 اسکول مکمل طور پر گِر گئے، گجرات، حافظ آباد، مظفر گڑھ، نارووال اور ملتان کے سکول سب سے زیادہ متاثر ہوئے۔سیکرٹری اسکولز پنجاب خالد نذیر کے مطابق تعلیمی حرج والے 7 لاکھ بچوں کو پیف اور پیما کے اسکولوں میں بھیج کر تعلیمی خلا ء کو پورا کیا جائے گا۔
اہم خبریں سے مزید