فرمان الہی
نماز کے اوقات
چیئرمین اکنامک پالیسی اینڈ بزنس ڈیولپمنٹ اور سابق نگراں وزیر تجارت گوہر اعجاز نے کہا ہے کہ معاشی جادوگروں نے گزشتہ 50 سال میں روپے کی بے قدری کی ہے۔
ایک بیان میں انہوں نے کہا کہ روپے کی ڈی ویلیویشن معاشی مسائل کا حل نہیں ہے، روپے کی ڈی ویلیوایشن ڈالر کی قلت کو دور نہیں کرے گی۔
گوہر اعجاز کا کہنا ہے کہ ذخیرہ اندوز مارکیٹ سے مہنگا ڈالر خریدتے ہیں، ٹیکس چور مارکیٹ سے 3 فیصد مہنگا ڈالرز خرید کر خوف پیدا کرتے ہیں، ہمارے معاشی جادوگروں کو ڈالر کی قلت کا خوف پیدا ہو جاتا ہے۔
سابق نگراں وزیر تجارت نے کہا کہ پاکستان کو ڈی ویلیوایشن نہیں برآمدات بڑھانے کی ضرورت ہے، معاشی جادوگر بھول جاتے ہیں کہ ملکی درآمدات ڈالرز پر مبنی ہیں۔
ان کا کہنا تھا کہ گزشتہ 50 سال میں روپیہ ڈیویلیو کرنے سے معاشی مسائل حل نہیں ہوئے، آئندہ 50 سال میں بھی روپے کی بے قدری ڈالر کی قلت کو پورا نہیں کر سکتی، روپے کی ڈی ویلیوایشن پاکستان کو معاشی کامیابی نہیں دے سکتی۔
انہوں نے کہا کہ ہم اپنے معاشی مسائل کی بنیادی وجہ کو کب حل کریں گے، پاکستان کو برآمدات پر مبنی معیشت بنانے کا وقت ہے۔
