فرمان الہی
نماز کے اوقات
بھارتی کپتان سوریا کمار یادیو کو ایشین کرکٹ کونسل کے صدر محسن نقوی اور پاکستانی کپتان سلمان علی آغا سے ہاتھ ملانا مہنگا پڑ گیا۔
سوریا کمار یادیو وزیر داخلہ محسن نقوی اور اور کپتان سلمان علی آغا سے ہاتھ ملانے کی وجہ سے غدار قرار دے دیا گیا۔
ایشیا کپ ٹی ٹوئنٹی کے آغاز سے پہلے، ٹرافی کی رونمائی اور کپتانوں کی پریس کانفرنس کے موقع پر بھارتی کپتان سوریا کمار یادیو توجہ کا مرکز بن گئے۔
انہوں نے میڈیا سے بات کرتے ہوئے کہا کہ جارحیت ہمیشہ میدان میں ہوتی ہے، اور جارحیت کے بغیر، مجھے نہیں لگتا کہ آپ یہ کھیل کھیل سکتے ہیں۔ مجھے یقین ہے کہ میں میدان میں اترنے کے لیے بہت پُرجوش ہوں۔
پریس کانفرنس ختم ہونے کے بعد سوریا کمار یادیو نے سلمان علی آغا سے ہاتھ ملایا، جس کی ویڈیو سوشل میڈیا پر وائرل ہوئی تو شہہ سرخیوں کی زینت بن گئی۔
اس وائرل ویڈیو میں بھارتی کپتان کو پاکستان کرکٹ بورڈ اور ایشین کرکٹ کونسل کے صدر محسن نقوی کو بھی مبارکباد دیتے ہوئے دیکھا جا سکتا ہے، جس پر بھارتی کپتان سخت تنقید کی زد میں آگئے۔
ایک صارف نے لکھا کہ بھارتی کپتان کا پاکستان کے وفاقی وزیر داخلہ سے مصافحہ کرنا اور تصویریں بنوانا بےشرمی کی انتہا ہے۔ محسن نقوی کے ہاتھ خون سے رنگے ہوئے ہیں، انہوں نے آپریشن سندور کے دوران بھارت کو تباہ کرنے کا کہا تھا۔
ایک اور صارف نے لکھا کہ اسے شرمناک قرار دیا اور لکھا کہ کیپٹن سوریا کمار یادیو نے پاکستان کے وزیر داخلہ محسن نقوی سے ہاتھ ملایا جنہوں نے حال ہی میں آپریشن سندور کے بعد بھارت کو دھمکی دی تھی۔ پتہ نہیں یہ لوگ آئینے میں اپنے چہرے کیسے دیکھتے ہیں۔ وہ ہمارے معصوم لوگوں کو مارتے ہیں اور یہاں ہم ان سے ہاتھ ملا رہے ہیں، یہ شرمناک ہے۔
ایک اور صارف لکھا کہ بائیکاٹ سے مصافحہ تک، بھارتی کپتان سوریا کمار یادیو کی محسن نقوی سے ملاقات۔
