فرمان الہی
نماز کے اوقات
کراچی (اسٹاف رپورٹر ) سربراہ پاکستان سنی تحریک محمد شاداب رضا نقشبندی نے کہا ہے کہ علماء کرام نے ہمیشہ ملک سے انتہاپسندی کے خاتمے کیلئے ہراول دستے کا کردار ادا کیا ہے، علماء کرام کے نقش قدم پر چلتے ہوئے اخوت بھائی چارگی اور اتحاد ویکجہتی کو فروغ دے کر ملک کو مستحکم ، اسلام کی تعلیمات کو عام کرکے معاشرے سے اسلام مخالف کلچر اور بے حیائی کا خاتمہ کرینگے، دنیا میں امن وانصاف قائم کرنا ہے تو مظلوموں کو ظالموں سے نجات دلانا ہوگی،ان خیالات کا اظہار انہوں نے مرکز اہلسنت پر علماء کرام کے وفد سے گفتگو کرتے ہوئے کیا،محمد شاداب رضا نقشبندی نے کہا کہ،علماء کرام کا کردار ہر ادوار میں مثالی رہاہے، اسلام وملک دشمن قوتوں کے خلاف علماء اہلسنت کسی بھی قسم کی قربانی دینے سے گریز نہیں کیا، پاکستان سے سودی نظام جو ظلم پر مبنی ہے ختم کرنے کیلئے علماء کرام کو آواز حق بلند کرنا ہوگی۔
