فرمان الہی
نماز کے اوقات
فرانس میں 15 سال سے کم عمر بچوں کے لیے سوشل میڈیا کے استعمال پر مکمل پابندی کی تجویز پیش کر دی گئی۔
برطانوی میڈیا کے مطابق فرانسیسی پارلیمانی کمیشن نے ٹک ٹاک اور دیگر سوشل میڈیا پلیٹ فارمز کے بچوں اور نوجوانوں پر نفسیاتی اثرات کی جائزہ رپورٹ پییش کی ہے۔
رپورٹ میں 15سال سے کم عمر بچوں کے سوشل میڈیا کے استعمال پر مکمل پابندی اور 15 سے 18 سال تک کے نوجوانوں کے لیے رات 10 بجے سے صبح 8 بجے تک ’ڈیجیٹل کرفیو‘ نافذ کرنے کی تجویز پیش کی گئی ہے۔
رپورٹ میں مزید کہا گیا ہے کہ سوشل میڈیا کے خطرات کے بارے میں عوامی آگاہی مہم چلائی جائے، ڈیجیٹل غفلت کا جرم اور سوشل میڈیا اکاؤنٹس بنانے کے وقت عمر کی تصدیق کا نظام لازمی قرار دیا جائے۔
واضح رہے کہ فرانس میں سات خاندانوں کی جانب سے سوشل میڈیا کے خلاف مقدمہ دائر کرنے کے بعد مارچ 2025ء میں پارلیمانی کمیشن قائم کیا گیا تھا۔
والدین کا مؤقف تھا کہ اِن کے بچوں کو ایسا مواد دکھایا گیا جس نے اِنہیں خودکشی پر مجبور کیا۔
