• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر مملکت کا تاریخی کاشغر عید گاہ مسجد کا دورہ، فن تعمیر کی تعریف، نماز عصر ادا کی

آج کا اخبار
اہم خبریں
21 ستمبر ، 2025
اسلام آباد (نمائندہ خصوصی)صدر مملکت آصف علی زرداری نے چین کے دورے کے موقع پر تاریخی کاشغر عید گاہ مسجد کا دورہ کیا، اس کے فن تعمیر کی تعریف اورنماز عصر ادا کی ،صدر مملکت نے کاشغر یونیورسٹی میں پاکستانی طلباء اور بعد میں نجی ایئر لائن کے سی ای اوسے الگ الگ ملاقات کی ،صدر نے پاکستانی طلباء کے ساتھ گروپ فوٹو لی ،انھوں نے طلباء پر زور دیا کہ وہ محنت سے پڑھیں اور پاک چین دوستی کو مزید مضبوط کریں۔ ایوان صدر کے مطابق کاشغر کی کمیونسٹ پارٹی کے سیکرٹری یاؤننگ اور امام میمتی جوبن نے صدر آصف علی زرداری کا عید گاہ مسجد پہنچنے پر پرتپاک استقبال کیا،صدر مملکت کو مسجد کا دورہ کرایا اور مسجد کی تاریخی اہمیت اور ورثے پر بریفنگ بھی دی ۔ صدر مملکت نے عصر کی نماز وہاں ادا کی اور مسجد کے شاندار فنِ تعمیر کو سراہا۔ صدرآصف علی زرداری سے نجی   ایئر  لائن کے مالک اور سی ای او ڈاکٹر یونچون یانگ نے بھی ہفتے کو کاشغر میں ملاقات کی۔ ڈاکٹر یونچون یانگ نے کیلیفورنیا یونیورسٹی سے پی ایچ ڈی کی ڈگری حاصل کررکھی ہے، وہ چین میں ایک لسٹڈ سیمی کنڈکٹر کمپنی کے بانی اور صدر ہیں جس کی سویڈن اور امریکا میں ذیلی کمپنیاں ہیں۔ انہوں نے صدر مملکت کو پاکستان میں  اپنی  ایئر کے آپریشنز میں مزید سرمایہ کاری کرنے کے اپنے عزم کا یقین دلایا۔ انکی  ایئر لائن  پاکستان کے ایوی ایشن سیکٹر میں پہلی چینی نجی سرمایہ کار اور بیجنگ کے لیے پروازیں چلانے والی پہلی نجی پاکستانی ایئر لائن ہے۔ ڈاکٹر یانگ نے جے ایف 17 ایویونکس پر پاک فضائیہ کے ساتھ کمپنی کے اشتراکی منصوبوں پر بھی روشنی ڈالی۔ ملاقات میں سینیٹر سلیم مانڈوی والا کے علاوہ چین میں پاکستانی سفیر اور پاکستان میں چین کے سفیر بھی موجود تھے۔ صدر مملکت نے کہا کہ  ان کی  ایئر لائن کو اپنے بیڑے میں طیاروں کی تعداد میں اضافہ کرنا چاہیے تاکہ ایئر لائن کے نیٹ ورک اور رابطے کو مضبوط کیا جاسکے۔
اہم خبریں سے مزید