فرمان الہی
نماز کے اوقات
دبئی (اے ایف پی)بھارتی میڈیا کا کہنا ہے کہ انڈین ٹیم آج اتوار کے میچ میں بھی ہینڈ شیک نہ کرنیکی پالیسی پر قائم رہے گی، جبکہ بھارتی کپتان سوریا کمارنےاس تنازع پر بات سے گریز کرتے ہوئے کہا ہے کہ اچھا مقابلہ ہوگا جہاں گیند اور بلے کے درمیان اصل کھیل ہوگا،کھلاڑیوں سے کہا ہے کہ اپنا کمرہ بند کرو، فون بند کرو اور سو جاؤ ، یہی شوراور دبائو سے بچنے کا بہترین طریقہ ہے۔ بھارتی کپتان سوریا کمار یادو نے اتوار کو دبئی میں ایشیا کپ میں پاکستان کے خلاف ری میچ سے قبل ہینڈ شیک نہ کرنے کے تنازعے پر گفتگو سے گریز کرتے ہوئے کہا کہ توجہ صرف کھیل پر ہونی چاہیے۔ بھارتی میڈیا نے خبر دی ہے کہ ٹیم اتوار کے میچ میں بھی ہینڈ شیک نہ کرنےکی پالیسی پر قائم رہے گی۔ تاہم سوریا کمار نے جب اس معاملے پر سوال ہوا تو انہوں نے کہا کہ یہ ایک اچھا مقابلہ ہوگا جہاں گیند اور بلے کے درمیان اصل کھیل ہوگا۔ انہوں نے مزید کہااپنا کمرہ بند کرو، فون بند کرو اور سو جاؤ۔ یہی شور سے بچنے کا بہترین طریقہ ہے۔ کہنا آسان ہے لیکن کرنا مشکل ہوتا ہے۔
