فرمان الہی
نماز کے اوقات
ورجینیا (این این آئی)امریکی صدر ڈونلڈ ٹرمپ نے ورجینیا میں امریکی فوجی جنرلز سے خطاب کے دوران پاکستان کے آرمی چیف فیلڈ مارشل عاصم منیر کی تعریف کی، انہوں نے کہا کہ پاک بھارت جنگ بندی پر فیلڈ مارشل کی جانب سے میری تعریف میرے لئے اعزاز سے کم نہیں، پاک بھارت جنگ میں 7طیارے گرنے کا پھر ذکر کردیا۔اس موقع پر صدر ٹرمپ نے کہا کہ ابھی تین روز پہلے وزیراعظم پاکستان اور فیلڈ مارشل عاصم یہاں موجود تھے، فیلڈ مارشل پاکستان میں بہت اہم شخصیت ہیں۔امریکی صدر نے کہا کہ فیلڈ مارشل نے کہا ٹرمپ نے لاکھوں لوگوں کی جانیں بچائی ہیں، انہوں نے کہا ٹرمپ نے جنگ رکوا کر لاکھوں جانیں بچائیں، جنگ ہو جاتی تو بہت زیادہ برا ہوتا۔ٹرمپ نے کہاکہ فیلڈ مارشل کا یہ تبصرہ مجھے بہت اچھا لگا، ان کی تعریف کو میں نے اپنے لیے اعزاز محسوس کیا۔
