• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ کی ایک ہفتے میں گندم اجرا پالیسی کو حتمی شکل دینے کی ہدایت

آج کا اخبار
اہم خبریں
01 اکتوبر ، 2025
کراچی ( اسٹاف رپورٹر)وزیراعلیٰ سندھ مراد علی شاہ نے ایک ہفتے میں گندم اجرا پالیسی کو حتمی شکل دینے اور قیمت مقرر کرنے کی ہدایت کر دی وزیراعلیٰ مراد علی شاہ نے کہا ہے کہ سندھ حکومت گندم کی مارکیٹ میں استحکام اور مناسب فراہمی کے لیے پرعزم ہے تاکہ آٹا اور روٹی کی قیمتوں میں استحکام قائم رکھا جا سکے۔تفصیلات کے مطابق منگل کو وزیر اعلیٰ نے گندم کے اجرا کی پالیسی سے متعلق اجلاس کی صدارت کرتے ہوئے کہا کہ ان کی حکومت گندم کی مارکیٹ میں دستیابی اور استحکام یقینی بنانے کے لیے پرعزم ہے تاکہ آٹے اور روٹی کی قیمتیں مستحکم رہیں۔یہ اجلاس وزیرِاعلیٰ ہاؤس میں منعقد ہوا جس میں وزیرِزراعت محمد بخش مہر، وزیر خوراک مخدوم محبوب الزمان، چیف سیکریٹری آصف حیدر شاہ، پرنسپل سیکریٹری آغا واصف، سندھ ریونیو بورڈ کے چیئرمین واصف میمن، سیکریٹری زراعت زمان ناریجو، سیکریٹری خوراک بچل راہپوٹو، اسپیشل سیکریٹری خزانہ اصغر میمن اور دیگر افسران شریک تھے۔وزیراعلیٰ نے وزیرِخوراک کو ہدایت دی کہ گندم اجرا پالیسی تیار کرکے منظوری کے لیے پیش کریں۔
اہم خبریں سے مزید