فرمان الہی
نماز کے اوقات
کراچی ( اسٹاف رپورٹر )بچیوں کو اغواء کرکے اپنی ہوس کا نشانہ بنانے والے گینگ کے ملزم کو گرفتار کر لیا گیا۔ڈسٹرکٹ سٹہ پولیس کے مطابق کھارادر میں دو روز قبل پولیس مقابلے کے دوران فرار ہونے والا ملزم اسلحہ سمیت گرفتار کر لیا گیا۔ملزم سے واردات میں استعمال ہونے والا اسلحہ بھی برآمد کیا گیا ہے۔ملزم کی شناخت شہزاد عرف فیضو کے نام سے ہوئی ہے اور ملزم کا تعلق لیاری گینگ وار عمران کالو گینگ سے ہے۔واضح رہے کہ ملزم کا دو روز قبل کھارادر میں پولیس مقابلہ ہوا تھا جس میں ملزم فرار ہوگیا تھا جبکہ ملزم کا ساتھی زخمی حالت میں گرفتار ہوا تھا۔ملزم کو انٹیلجنس بیسڈ ٹارگٹڈ کارروائی کرتے ہوئے علاقہ تھانہ کھارادر کی حدود سے گرفتار کیا گیا۔پولیس کے مطابق ملزم نے انکشاف کیا کہ وہ اسکول جانے والی بچیوں کو اغواء کرکے 20 سے 25 دن تک اپنی ہوس کا نشانہ بناتے تھے اور بعد ازاں ان کو قتل کر دیتے تھے۔ ملزم اس سے قبل بھی مختلف تھانوں میں گرفتار ہو کر جیل جا چکا ہے۔ ملزم کو مزید قانونی کاروائی کیلئے انویسٹیگیشن حکام کے حوالے کر دیا گیا ہے۔
