پشاور(جنگ نیوز) سٹی ٹریفک پولیس پشاور نے گزشتہ ماہ ٹریفک قوانین کی خلاف ورزیوں کے مرتکب1لاکھ 54ہزار سے زائد افراد پر جرمانے عائد کئے. تفصیلات کے مطابق چیف ٹریفک آفیسر ہارون رشید خان کی ہدایت پر سٹی ٹریفک پولیس پشاور کی ایجوکیشن ٹیمیں شہر کے مختلف سیکٹروں میں شہریوں کو ٹریفک قوانین سے متعلق آگاہی دیتی ہیں جس کے بعد باقاعدہ ٹریفک قوانین پر عملدرآمد نہ کرنے والوں کیخلاف کارروائیاں کی جاتی ہیں اس سلسلے میں شہر کے مختلف سیکٹروں میں سٹی ٹریفک پولیس پشاور کے اہلکاروں کی جانب سے ٹریفک قوانین کی خلاف ورزیوں پر گزشتہ ایک ماہ میں 1لاکھ 54ہزار 262 افراد کا چالان کیا گیا. چیف ٹریفک آفیسر ہارون رشید خان نے کارروائیوں پر اطمینان کا اظہار کرتے ہوئے کہا ہے کہ سٹی ٹریفک پولیس پشاور ٹریفک قوانین پر عملدرآمد یقینی بنانے کیلئے تمام تر صلاحیتیں بروئے کار لائے گی۔ انہوں نے کہا کہ ٹریفک حکام ٹریفک قوانین پر عملدرآمد یقینی بنائیں اس سلسلے میں کسی قسم کی کوتاہی برداشت نہیں کی جائیگی جبکہ مرتکب افراد کیخلاف قانونی کارروائی عمل میں لائی جائیگی۔
فرمان الہی
نماز کے اوقات
