فرمان الہی
نماز کے اوقات
دنیا میں سب سے زیادہ شور والا شہر کوئی ایک نہیں اور مختلف رپورٹس کی بنیاد پر جنوبی ایشیا کے تو کئی شہروں میں بہت زیادہ شور ہے۔
یونائیٹڈ نیشنز انوائرمنٹ پروگرام (یو این ای پی) فرنٹیئر رپورٹ 2022ء کے مطابق بنگلادیش کے دارالحکومت ڈھاکا کو دنیا کا سب سے زیادہ شور والا شہر قرار دیا گیا ہے کیونکہ شہر میں آواز کی سطح 119 ڈیسیبل تک ریکارڈ کی گئی جو انسانی صحت کے لیے انتہائی نقصان دہ ہے۔
دوسرے نمبر پر بھارت کا شہر مراد آباد ہے جہاں آواز کی سطح 114 ڈیسیبل ہے اور اس کے بعد پاکستان کا دارالحکومت اسلام آباد ہے جہاں آواز کی سطح تقریباً 105 ڈیسیبل ریکارڈ کی گئی ہے۔
شور کی آلودگی کی وجوہات میں حد سے زیادہ ٹریفک، ہارن کا استعمال، تعمیراتی کام، صنعتی مشینری، ناقص شہری منصوبہ بندی اور شور کنٹرول کرنے کے لیے قوانین کا نفاذ نہ ہونا شامل ہیں۔
ماہرین نے خبردار کیا ہے کہ حد سے زیادہ شور سماعت کی کمی، ہائی بلڈ پریشر، نیند کی خرابی، دل کی بیماریوں اور دماغی صحت کے مسائل کا باعث بن سکتا ہے۔
