کراچی (اسٹاف رپورٹر) محکمہ امور نوجوانان حکومت سندھ کے زیر اہتمام مشاعرے کا انعقاد سندھ یوتھ کلب کراچی میں کیا گیا، صدارت انور شعور جبکہ خصوصی شرکت سندھی زبان کے معروف شعراء ادل سومرو، عتیق جیلانی، سانبیان سانگھی اور مسرور پیرزادہ نے کی، نوجوان شعرا نے اردو اور سندھی زبان میں اپنا خوبصورت کلام پیش کیا،ڈپٹی ڈائریکٹر سید حبیب اللہ کا کہنا تھا کہ اس طرح کے ادبی پروگرام نوجوانوں کو مثبت سرگرمیوں کی جانب راغب اور انہیں اپنی صلاحیتیں اجاگر کرنے کا موقع فراہم کرتے ہیں،تقریب کے اختتام پر شعرا کو اعزازی شیلڈز پیش کی گئی۔