• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہ رخ، سلمان اور عامر خان کے سعودیہ میں ایک ساتھ جلوے

آج کا اخبار
اہم خبریں
18 اکتوبر ، 2025
کراچی( رپورٹ/ اخترعلی اختر )شاہ رخ خان ، سلمان خان اور عامر خان کے سعودیہ میں ایک ساتھ جلوے، دنیا بھر میں دھوم ، ریاض میں منعقدہ جوی فورم کے موقع پر تینوں ایک ساتھ اسٹیج پر آئے ، کیرئیر پر بات کی، آخری بار تینوں امبانی کی پری ویڈنگ تقریبات میں جمنا نگر میں ایک ساتھ دکھائی دیے تھے۔سعودی عرب میں بھارتی فلموں کے حوالے سے متعدد اسٹیج شوز ہو چکے ہیں جن میں بھارتی انٹرٹینمنٹ کی دنیا کے بیشتر اسٹارز پرفارم کر چکے ہیں۔ بھارتی فلموں میں مداح برسوں سے دلوں پر راج کرنے والے تینوں خانوں کو ایک ساتھ دیکھنا چاہتے ہیں۔ایسا سعودی عرب کے شہر ریاض میں دیکھا گیا۔بالی وڈ کے سپر اسٹار عامر خان نے اسٹیج پر گانا بھی گایا، جبکہ شاہ رخ خان اور سلمان خان نے ان کا حوصلہ بڑھایا۔ تینوں خان ریاض میں منعقدہ "جوی فورم" میں موجود تھے۔ جب تینوں خان ، شاہ رخ خان ،سلمان خان، اور عامر خان ، ایک ساتھ نظر آئے، وہ لمحہ خاص تھا۔ شاید آخری بار وہ امبانی کی پری ویڈنگ تقریبات میں جمنا نگر میں ایک ساتھ دکھائی دیے تھے، مگر وہ ملاقات مختصر تھی۔ اس بار، ریاض میں ہونے والے جوی فورم کے موقع پر، شاہ رخ خان، سلمان خان اور عامر خان ایک ساتھ اسٹیج پر آئے اور اپنی فلمی زندگی اور کیریئر پر بات چیت کی۔تینوں خان ایک ساتھ، شاہ رخ خان، سلمان خان اور عامر خان اس تقریب میں ایک ساتھ موجود تھے۔ سوشل میڈیا پلیٹ فارم پر اس ایونٹ کی کئی تصاویر اور ویڈیوز سامنے آنے بعد دنیا بھرمیں دھوم مچ گئی، جن میں سلمان، شاہ رخ اور عامر ایک ساتھ اسٹیج پر بیٹھے دکھائی دے رہے ہیں عامر خان نے گانا گایا۔ ایک پیپرازی اکاؤنٹ کی جانب سے شیئر کی گئی ویڈیو میں عامر خان کو "او رے تال ملے ندی کے جل میں" گاتے ہوئے دیکھا جا سکتا ہے، جو فلم انوکھی رات (جس میں سنجیو کمار نے اداکاری کی تھی) کا مشہور گانا ہے۔ اس دوران شاہ رخ خان اور سلمان خان ان کے پیچھے کھڑے ہو کر انہیں خوشی سے داد دے رہے تھے۔ ایک اور ویڈیو میں شاہ رخ خان اپنے مداحوں کے ساتھ نظر آئے، جس میں وہ ایک عمارت کی سیڑھیوں پر عامر خان اور دیگر مشہور شخصیات کے ساتھ تصویر کھنچوا رہے تھے۔ ان تصاویر میں اسکوئڈ گیم کے اداکار لی بیونگ ہن اور لی جنگ جے، سابق امریکی باسکٹ بال پلیئر اور اسپورٹس اینالسٹ شکیل او’نیل (Shaquille OʼNeal)، یوٹیوبرز مسٹر بیسٹ (MrBeast) اور آئی شو اسپیڈ (IShowSpeed) سمیت کئی نامور شخصیات نظر آ رہی ہیں۔شاہ رخ خان کی آخری فلم "ڈنکی" 2023میں ریلیز ہوئی تھی، اور پچھلے دو سالوں میں ان کی کوئی نئی فلم نہیں آئی ستمبر میں انہیں "جوان" کے لیے بہترین اداکار کا قومی ایوارڈ دیا گیا۔ عامر خان حال ہی میں فلم "ستارے زمین پر" میں نظر آئے، جبکہ سلمان خان کی فلم "سکندر" عید کے موقع پر ریلیز ہوئی تھی۔ شاہ رخ خان کی اگلی فلم "کنگ" ہوگی، جس میں ان کے ساتھ سوہانا خان اور دیپکا پادوکون بھی نظر آئیں گی۔
اہم خبریں سے مزید