فرمان الہی
نماز کے اوقات
کراچی(اسٹاف رپورٹر)آئی سی سی ویمنز ورلڈ کپ میں پاکستان اور نیوزی لینڈ کے درمیان کھیلا گیا میچ بارش کی وجہ سے مکمل نہ ہوسکا اور دونوں ٹیموں کو ایک ایک پوائنٹ مل گیا۔ پاکستان 2 پوائنٹس کے ساتھ پوائنٹس ٹیبل پر آخری نمبر پر ہے۔نیوزی لینڈ کے 4 پوائنٹس ہیں اور وہ پانچویں نمبر پر ہے۔یہ اس ٹورنامنٹ میں دونوں ٹیموں کا دوسرا میچ ہے جو بارش کی نذر ہوا ہے۔ نیوزی لینڈ کا سری لنکا کے خلاف میچ بارش کی وجہ سے ختم کرنا پڑا تھا جبکہ پاکستان کے انگلینڈ کے خلاف میچ کا نتیجہ برآمد نہ ہوسکا تھااس میچ کے بعد جنوبی افریقا کی ٹیم سیمی فائنل میں پہنچ گئی ہے۔ آسٹریلیا کی ٹیم پہلے ہی سیمی فائنل میں جگہ بنا چکی ہے۔ہفتے کے روز پریماداسا اسٹیڈیم میں نیوزی لینڈ نے ٹاس جیت کر پاکستان کو بیٹنگ دی جس نے 25 اوورز میں 5 وکٹوں پر 92 رنز بنائے تھے۔ عالیہ ریاض 3 چوکوں کی مدد سے28 رنز ناٹ آؤٹ کے ساتھ ٹاپ سکورر رہیں۔منیبہ علی نے چار چوکوں کی مدد سے22 رنز سکور کیے۔پاکستان کا اسکور تیرہویں اوور میں 3 وکٹوں پر 52 رنز تھا جب بارش کی وجہ سے کھیل روک دینا پڑا جس کے بعد میچ کو 46 اوورز کردیا گیا لیکن 25 اوورز کے اختتام پر بارش کی وجہ سے کھیل دوسری مرتبہ روک دیا گیا اسوقت پاکستان کا سکور5 وکٹوں پر92 رنز تھا جس کے بعد میچ کو36 اوورز کردیا گیا لیکن بارش پھر شروع ہوگئی اور پھر مزید کھیل ممکن نہ ہوسکا۔
