فرمان الہی
نماز کے اوقات
کراچی (اسٹاف رپورٹر) وفاقی وزیر داخلہ محسن نقوی نے پیر کی شام پاکستان پیپلز پارٹی کے چیئرمین پیپلزپارٹی بلاول بھٹو زرداری سے بلاول ہاؤس کراچی میں ملاقات اور ملک میں امن و امان کی صورتحال اور سیاسی معاملات پر تفصیلی تبادلہ خیا ل کیا گیا۔ دونوں رہنماؤں کے مابین حالیہ دنوں میں پنجاب میں پیدا ہونےوالی صورتحال اور حکومتی کارروائی پر بھی گفتگو ہوئی۔ بلاول بھٹو سے صوبائی وزیربلدیات ناصر حسین شاہ نےملاقات کی اور صوبے میں جاری ترقیاتی منصوبوں سے متعلق چیئر مین پارٹی کوبریفنگ دی، پی پی چیئرمین سے صوبائی وزیر محنت و افرادی قوت سعید غنی نے ملاقات کی اور مزدوروں، کسانوں کے حوالے سے فلاحی اقدامات سے متعلق آگاہ کیا۔ تفصیلات کے مطابق وزیرداخلہ نے بلاول بھٹو زرداری سے گفتگو کرتے ہوئے کہا کہ پیپلز پارٹی موجودہ حکومت کی اہم اتحادی جماعت ہے وفاقی حکومت اس اعتماد میں لیکر قومی پالیسیاں تشکیل دیگی۔ ملاقات کے دوران وفاقی حکومت اور سندھ حکومت کے درمیان امن و امان کے قیام اور دہشت گردی کے مسئلہ سے نمٹنے کیلئے قریبی تعاون کے طریقوں پر غورکیا گیا۔اس موقع پر اس توقع کا بھی اظہار کیا گیا کہ مسلم لیگ (ن ) اور پیپلزپارٹی کی اعلیٰ قیادت کے مابین حالیہ رابطوں کے ذریعے بہت سی غلط فہمیوں کا ازالہ ممکن ہوسکے گا۔ علاوہ ازیںبلاول بھٹو زرداری سے صوبائی وزیر بلدیات سید ناصر حسین شاہ نے بلاول ہاؤس میں ملاقات کی۔ اس موقع پر چیئرمین بلاول بھٹو نے ہدایت کی کہ سالڈ ویسٹ مینجمنٹ کی کارکردگی کو مزید بہتر کرتے ہوئے ادارے کے دائرہ کار کو بڑھایا جائے۔
