فرمان الہی
نماز کے اوقات
کراچی(آئی این پی) وفاقی حکومت نے سندھ میں جاری ترقیاتی منصوبوں کیلئے 22 ارب 40 کروڑ روپے جاری کر دیئے ہیں۔جاری دستاویز کے مطابق ٹنڈوالہیار سے ٹنڈو آدم سڑک کیلئے ایک ارب روپے، سانگھڑ سے نیشنل ہائی وے این 5 کیلئے 2 ارب روپے جبکہ کراچی سائٹ ایریا میں سڑکوں کی بحالی کیلئے ڈیڑھ ارب روپے جاری کیے۔ تفصیلات کے مطابق وفاق نے سندھ میں جاری منصوبوں کیلئے 22 ارب 40 کروڑ روپے جاری کرتے ہوئے مالی سال 26-2025 کی پہلی سہ ماہی کی رقم سے متعلق تفصیلات جاری کر دیئے ہیں۔ جسکے مطابق وفاق کے رواں مالی سال میں سندھ کیلئے 14 منصوبے جاری ہیں۔جاری دستاویز کے مطابق روہڑی سے گڈو انٹرچینج ایم 5 صادق آباد کیلئے 2 ارب 40 کروڑ روپے جاری کیے گئے ہیں۔ اس کے علاوہ وزیراعظم پروگرام کے تحت سیلاب متاثرہ علاقوں میں مکانات کی تعمیر کے ساڑھے 14 ارب اسکولوں کی تعمیر کیلئے ایک ارب روپے جاری کیے گئے۔وفاق نے سندھ میں جاری منصوبوں کیلئے مجموعی طور پر 76ارب 58 کروڑ روپے جاری کرنے ہیں۔
