• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد میں عالمی معیار کا اسپتال، آغا خان یونیورسٹی کا اظہار دلچسپی

آج کا اخبار
اہم خبریں
22 اکتوبر ، 2025
اسلام آباد ( نیو زرپورٹر)چیئرمین سی ڈی اے و چیف کمشنر اسلام آباد محمد علی راندھاوا سے پریزیڈنٹ آغا خان یونیورسٹی ڈاکٹر سلیمان شہاب الدین، آغا خان بورڈ آف ٹرسٹیز کے چیئرمین ذاکر محمود و دیگر ممبران نے منگل کے روز سی ڈی اے ہیڈکوارٹرز میں ملاقات کی اوراسلام آباد میں اعلیٰ معیار کی میڈیکل ٹیچنگ و بہترین طبی خدمات کے فروغ کے عزم کا اظہار کیا ۔ انہوں نے اسلام آباد میں مربوط ٹیچنگ و ریسرچ اور بین الاقوامی معیار کی طبی سہولیات سے آراستہ ہسپتال قائم کرنے میں بھی دلچسپی ظاہر کی ۔چیئرمین سی ڈی اے نے آغا خان یونیورسٹی کے ٹیچنگ ہسپتال کے قیام کے حوالے سے اپنے بھرپور تعاون کا یقین دلاتے ہوئے کہا کہ آغا خان یونیورسٹی کا یہ منصوبہ اسلام آباد کی صحت و میڈیکل کی تعلیم کے شعبے میں ایک اہم سنگ میل ثابت ہوگا۔ مزید برآں یہ کہ آغا خان یونیورسٹی ٹیچنگ ہسپتال نہ صرف طبی خدمات بلکہ تحقیق و تعلیم کے میدان میں بھی اہم کردار ادا کرے گا۔ آغا خان یونیورسٹی ٹیچنگ ہسپتال کی آمد سے نہ صرف جڑواں بلکہ پنجاب و خیبرپختونخواہ کے مریضوں کو بہترین اور معیاری طبی سہولیات میسر ہونگی۔ قبل ازیں چیئرمین سی ڈی اے نے آغا خان یونیورسٹی کے پریزیڈنٹ اور بورڈ آف ٹرسٹیز کے ممبران کا سی ڈی اے ہیڈکوارٹرز آمد پر خیر مقدم کیا۔
اہم خبریں سے مزید