فرمان الہی
نماز کے اوقات
کراچی (اسٹاف رپورٹر) پاکستان کرکٹ بورڈ نے جنوبی افریقا کے خلاف وائٹ بال سیریز اور سہ فریقی ٹی 20کیلئے الگ الگ اسکواڈز کا اعلان کردیا۔ ٹی ٹوئنٹی ٹیم میں سابق کپتان بابراعظم اور نسیم شاہ کی واپسی ہوئی، عثمان طارق پہلی بار اسکواڈ کا حصہ بنے ہیں، محمد رضوان کپتانی سے ہٹائے جانے کے بعد ون ڈے ٹیم میں شامل ہیں، صائم ایوب کو ایشیا کپ میں ناقص کار کردگی کے باوجود دونوں ٹیموں میں برقرار رکھا گیا ہے۔ ٹرائی سیریز ٹی 20 کیلئے بھی یہی اسکواڈز برقرار رہے گا ۔ ٹی ٹوئنٹی اسکواڈ میں سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین آفریدی، عثمان خان اور عثمان طارق شامل ہیں۔ فخر زمان، حارث رؤف اور سفیان مقیم کو ریزرو میں رکھا گیا ہے۔ ون ڈے اسکواڈ میں شاہین آفریدی(کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔
