• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سٹی ٹریفک پولیس نے ون ویلنگ پر 7منچلے نوجوانوں کو گرفتار کرلیا

میرا شہر
پشاور
26 اکتوبر ، 2025
پشاور(جنگ نیوز) سٹی ٹریفک پولیس پشاور نے ون ویلنگ کرنے پر 7منچلے نوجوانوں کو گرفتار کر کے موٹر سائیکلوں کو ٹرمینل میں بند کردیا۔ چیف ٹریفک آفیسر ہارون رشید خان کی ہدایت پر ایس پی ہیڈکوارٹرز ارباب شفیع اللہ جان کی نگرانی میں سٹی ٹریفک پولیس پشاور کے اہلکاروں نے شہر کے مختلف سیکٹروں میں ون ویلنگ کرنیوالوں کیخلاف خصوصی کریک ڈاؤن کیا۔ کریک ڈاؤن کے دوران 7 منچلے نوجوانوں کو گرفتار کر کے موٹر سائیکلوں کو ضبط کرکے ٹرمینل میں بند کردیا۔ چیف ٹریفک آفیسر ہارون رشید خان نے کہا ہے کہ ون ویلنگ کرنیوالے کسی رعایت کے مستحق نہیں جبکہ مرتکب افراد کے خلاف قانون کے مطابق سخت کارروائی عمل میں لائی جائے گی۔ انہوں نے مزید کہا کہ سٹی ٹریفک پولیس پشاور ون ویلنگ کرنیوالوں کے خلاف کارروائیوں کا سلسلہ مزید تیز کرے اور موٹر سائیکلوں کو قبضے میں لے کر ون ویلنگ کرنے والوں کو گرفتار کر کے انکے والدین سے تحریری طور پر ضمانت لیں کہ ان کے بچے آئندہ ون ویلنگ کے مرتکب نہیں ہونگے۔ انہوں نے مزید کہا کہ ون ویلنگ کرنا اپنی زندگی کے ساتھ کھیلنے کے مترادف ہے سٹی ٹریفک پولیس پشاور ایسے عناصر کے خلاف سخت قانونی کارروائی عمل میں لائے گی۔
پشاور سے مزید