• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی فضائی کمپنی نے اسلام آباد سے مانچسٹر براہِ راست پروازوں کا آغاز کر دیا

آج کا اخبار
اہم خبریں
26 اکتوبر ، 2025
اسلام آباد( نیو زرپورٹر)حکومتِ کی ایک بڑی کامیابی کے طور پر قو می فضا ئی کمپنی نے اسلام آباد سے مانچسٹر تک براہِ راست پروازوں کا باضابطہ آغاز کر دیا ، یہ پیش رفت پاکستان کی فضائی صنعت اور برطانیہ کے ساتھ دوطرفہ تعلقات میں ایک تاریخی سنگِ میل ہے۔پہلی پرواز کا افتتاح وفاقی وزیر برائے دفاع خواجہ محمد آصف نے اسلام آباد انٹرنیشنل ایئرپورٹ پر منعقدہ پروقار تقریب میں کیا۔اس موقع پرپاکستان میں برطانیہ کی ہائی کمشنرجین میریٹ، سیکرٹری دفاع جنرل (ر) محمد علی، ڈی جی سول ایوی ایشن اتھارٹی (سی اے اے)نادر شفیع ڈار اور دفاع و ہوابازی کے اعلیٰ حکام موجود تھے۔وزیرِ اعظم محمد شہباز شریف نے پی آئی اے کی اسلام آباد سے مانچسٹر براہ راست پروازوں کے آغاز پر پوری قوم بالخصوص برطانیہ میں مقیم پاکستانیوں کو مبارکباد دی ہے، انہوں  نے وزیرِ ہوابازی خواجہ محمد آصف، سول ایوی ایشن اتھارٹی، پی آئی اے اور متعلقہ اداروں کے حکام کی اس امر میں کاوشوں کی بھی تعریف کیان کا کہنا تھا کہ پاکستان کے ہر ادارے میں اصلاحات سے بہتری کا سفر تیزی سے جاری ہے۔ہفتے کو ایک بیان  میں وزیر اعظم نے پی آئی اے کی اسلام آباد سے مانچسٹر براہ راست پروازوں کے آغاز کے حوالے سے کہا اللہ کے فضل و کرم سے پاکستان کا پوری دنیا میں تشخص بحال ہو رہا ہے،پابندی کی وجہ سے پی آئی اے کی ساکھ کو نقصان پہنچا جس کو کئی برس کی محنت کے بعد بحال کیا گیا،پی آئی اے کی براہ راست پروازوں سے برطانیہ میں مقیم پاکستانی برادری مستفید ہوگی۔انہوں نے کہا کہ براہ راست پروازوں کی بحالی سے دونوں ممالک کے  درمیان تعلقات میں نئی مضبوطی آئے گی۔ان کا کہنا تھا کہ پاکستان کے ہر ادارے میں اصلاحات سے بہتری کا سفر تیزی سے جاری ہے۔وزیر دفاع خواجہ محمد آصف نے تقریب سے خطاب کرتے ہوئے کہا کہ یہ اقدام حکومتِ کی جانب سے قومی اداروں کی بحالی، عوامی سہولتوں میں بہتری اور بین الاقوامی سطح پر پاکستان کے تشخص کے فروغ کے لیے کیے جانے والے اقدامات کا تسلسل ہے۔ اسلام آباد تا مانچسٹر براہِ راست پرواز کا آغاز پاکستان اور برطانیہ کے درمیان رابطوں کے نئے دور کا آغاز ہے جو وہاں موجود پاکستانی کمیونٹی کے لیے بڑی سہولت فراہم کرے گا۔
اہم خبریں سے مزید