• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انسداد دہشتگردی، پاکستان و قازقستان کے درمیان مشترکہ فوجی مشقیں ختم

آج کا اخبار
اہم خبریں
26 اکتوبر ، 2025
اسلام آباد ( نمائندہ خصوصی ) انسداد دہشت گردی کے شعبے میں پاکستان اور قازقستان کی مشترکہ مشق دوستریم V کی اختتامی تقریب چیراٹ میں منعقد ہوئی۔ دو ہفتے طویل مشق کا آغاز 14 اکتوبر کو ہوا۔ اسپیشل سروسز گروپ، پاکستان آرمی اور قازقستان اسپیشل فورسز کی جنگی ٹیموں نے مشق میں حصہ لیا۔کمانڈنٹ سپیشل آپریشنز سکول چراٹ نے اختتامی تقریب میں بطور مہمان خصوصی شرکت کی۔ قازقستان کے سفیر اور دفاعی اتاشی نے بھی اختتامی تقریب کا مشاہدہ کیا۔ فوجیوں نے مشق کے دوران پیشہ ورانہ معیار کے اعلیٰ ترین معیارات کا مظاہرہ کیا۔ اس مشق کا مقصد مشترکہ تربیت کے ذریعے انسداد دہشت گردی کی کارروائیوں میں شامل مشقوں، طریقہ کار اور تکنیکوں کو بہتر بنانا تھا، اس کے علاوہ دوست ممالک کے درمیان فوج کو فوجی تعلقات کے لیے استعمال کرنا تھا۔
اہم خبریں سے مزید