• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول، فضل الرحمٰن ملاقات، سیاسی صورتحال پر مشاورت

آج کا اخبار
اہم خبریں
28 اکتوبر ، 2025
اسلام آباد(طاہر خلیل، رانا غلام قادر ) پاکستان پیپلزپارٹی کے چیئرمین بلاول بھٹو زرداری نے جمعیت علمائے اسلام کے سربراہ مولانا فضل الرحمٰن سے ان کی رہائش گاہ پرملاقات کی۔ ذرائع کے مطابق ملاقات میں ملک کی مجموعی سیاسی صورتحال، پارلیمانی امورپرتبادلہ خیال کیا گیا جبکہ سینیٹ اور قومی اسمبلی میں اپوزیشن لیڈرزکی تقرری اور آزاد کشمیر میں حکومت سازی  سے متعلق بھی بات چیت کی گئی،ذرائع کا کہنا ہے کہ ملاقات میں قومی اسمبلی میں اپوزیشن لیڈر کی تقرری کا معاملہ زیربحث آیا، ملاقات میں اپوزیشن کی عددی حیثیت سے متعلق امور پرمشاورت ہوئی، بلاول بھٹو اپوزیشن لیڈر تقرری میں مولانا فضل الرحمان کیساتھ اتحاد کےخواہاں ہیں،پیپلز پارٹی کے قومی اسمبلی میں 74ارکان اسمبلی ہیں، جے یو آئی اسمبلی میں6جنرل نشستوں سمیت 10ممبران کے ساتھ موجود ہے۔پی ٹی آئی کی جانب سے محمود خان اچکزئی کی نامزدگی پر74 ارکان کےدستخط ہیں اور اپوزیشن کے74ارکان نے محمود اچکزئی کو نامزد کرکے درخواست اسمبلی سیکریٹریٹ میں جمع کروا رکھی ہے، دورانِ ملاقات کشمیر میں حکومت سازی کے عمل میں مشاورت کی۔
اہم خبریں سے مزید