فرمان الہی
نماز کے اوقات
کراچی (نیوز ڈیسک) جاپان کے دورے پر موجود امریکی صدر ڈونلڈ ٹرمپ اور جاپان کی نئی وزیراعظم سنائے تاکائی چی نے امریکا اور جاپان کے درمیان نایاب معدنیات اور دھاتوں کی کان کنی اور پراسیسنگ کے معاہدے پر دستخط کر دیے۔ جاپان کی وزیراعظمنے امریکی صدر ٹرمپ کو نوبل امن انعام کے لیے نامزد کرنے کا اعلان کیا جبکہ ٹرمپ نے جاپان کی پہلی خاتون وزیرِاعظم بننے پر تاکائی چی کو مبارکباد دی۔ برطانوی جریدے گارجین کیرپورٹکے مطابق امریکی صدر جو ایشیا کے ایک ہفتے طویل دورے کے دوسرے مرحلے پر جاپان میں موجود ہیں، نے تاکائی چی کے ساتھ ایک معاہدے پر دستخط کیے، جس کے تحت نایاب معدنیات اور دیگر اہم دھاتوں کی کان کنی اور پراسیسنگ کے تحفظ کا فریم ورک وضع کیا گیا ہے۔ یہ معاہدہ چین کی جانب سے ان مواد کی برآمدات پر پابندیاں سخت کرنے کے فیصلے کے بعد کیا گیا، جو جدید صنعتی مصنوعات میں کلیدی حیثیت رکھتے ہیں۔
