فرمان الہی
نماز کے اوقات
اسلام آباد (اے پی پی) سپریم کورٹ نے پیر سے شروع ہونے والے عدالتی ہفتے کیلئے مختلف بنچز تشکیل دیدیئے ہیں۔ جاری کردہ فہرست کے مطابق عدالت میں مجموعی طور پر چھ بنچز اور ایک آئینی بینچ اپنے اپنے نوعیت کے مقدمات کی سماعت کرینگے۔ بینچ نمبر 1چیف جسٹس یحییٰ آفریدی اور جسٹس مسرت ہلالی پر مشتمل ہوگا۔ بینچ نمبر 2میں جسٹس منصور علی شاہ اور جسٹس علی باقر نجفی شامل ہیں۔بینچ نمبر 3جسٹس منیب اختر اور جسٹس عائشہ اے ملک پر مشتمل ہے۔آئینی بینچ کی سربراہی جسٹس امین الدین خان کرینگے جبکہ اس بینچ میں جسٹس جمال خان مندوخیل، جسٹس عقیل احمد عباسی، جسٹس شکیل احمد اور جسٹس عامر فاروق شامل ہیں۔بینچ نمبر 5 میں جسٹس اطہر من اللہ، جسٹس عرفان سعادت خان اور جسٹس ملک شہزاد احمد خان شامل ہیں۔بینچ نمبر 6جسٹس نعیم اختر افغان، جسٹس محمد شفیع صدیقی اور جسٹس مینگل حسن اورنگزیب پر مشتمل ہوگا۔سپریم کورٹ کے ان بینچز کی تشکیل کے بعدرواں ہفتے اہم آئینی، دیوانی اور فوجداری مقدمات کی سماعتیں کی جائیں گی۔
