• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سہ ملکی کرکٹ سیریز،سکیورٹی کے غیر معمولی انتظامات یقینی بنائے جائینگے،کابینہ کمیٹی برائے امن و امان

میرا شہر
لاہور
04 نومبر ، 2025
لاہور ( جنرل رپورٹر ) صوبائی وزیر صحت و چیرمین کابینہ کمیٹی برائے امن و امان خواجہ سلمان رفیق نے کہا ہے کہ عوام کے جان و مال کا تحفظ ریاست کی اولین ترجیح ہے۔ صوبہ بھر میں امن و امان کی صورتحال تسلی بخش ہے۔ سہ ملکی کرکٹ سیریز کے دوران سکیورٹی کے غیر معمولی انتظامات یقینی بنائے جائیں گے۔ بابا گورونانک دیو جی کی جنم دن تقریبات کیلئے بہترین انتظامات کیے گئے ہیں۔ محکمہ داخلہ پنجاب میں کابینہ کمیٹی برائے امن و امان کا 41 واں اجلاس منعقد ہوا جس کی صدارت صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کی۔ سیکرٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو امن و امان کے حوالہ سے بریفنگ دی۔ اجلاس کے دوران صوبہ بھر میں امن و امان کی صورتحال کا تفصیلی جائزہ لیا گیا۔ کابینہ کمیٹی نے 11 نومبر سے شروع ہونے والی پاکستان سری لنکا سیریز اور بعد ازاں پاکستان، سری لنکا اور زمبابوے سہ ملکی کرکٹ سیریز کیلئے بہترین انتظامات کی ہدایت دی۔ کابینہ کمیٹی نے اٹک اور ڈی جی خان میں رینجرز کی تعیناتی میں توسیع کی منظوری بھی دی ہے۔ کابینہ کمیٹی نے پنجاب فرانزک سائنس ایجنسی کو جدید تقاضوں سے ہم آہنگ کرنے اور مزید سود مند بنانے پر زور دیا۔
لاہور سے مزید