• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسک کے پہلا کھرب پتی بننے کی راہ ہموار، تاریخ کا سب سے بڑا کارپوریٹ پیکیج مل گیا

آج کا اخبار
اہم خبریں
08 نومبر ، 2025
کراچی (نیوز ڈیسک)ٹیسلا سی ای او ایلون مسک کو تاریخ کا سب سے بڑا کارپوریٹ پے پیکیج مل گیا۔ دنیا کا پہلا کھرب پتی بننے کی راہ ہموار ہوگئی، 75 فیصد سرمایہ کاروں نے ریکارڈ ایک ٹریلین ڈالر(2810 کھرب روپے) منافع سے منسلک تنخواہ منظور کی، بورڈ نے خبردار کیا تھا مسک کمپنی چھوڑ سکتے ہیں، ٹیسلا کا مستقبل AI اور روبوٹکس میں مسک کے ویژن سے جڑا ہے۔ امریکا میں دولت کی عدم مساوات پر نئی بحث شروع، ناقدین نے پیکیج بڑھتی معاشی خلیج کی علامت قرار دیا۔غیر ملکی میڈیا کے مطابق مسک کا معاوضہ ٹیسلا کی ترقی، خودکار گاڑیوں، روبوٹیکسی نیٹ ورک، اور انسان نما روبوٹس کی فروخت جیسے منصوبوں سے منسلک ہے۔یہ فیصلہ اس وقت سامنے آیا جب کچھ بڑے سرمایہ کاروں اور مشاورتی اداروں نے پیکیج کو "انتہائی مہنگا" اور "غیر ضروری" قرار دیا، تاہم بورڈ نے مؤقف اپنایا کہ یہ مسک کو کمپنی کے ساتھ رکھنے اور طویل مدتی ترقی یقینی بنانے کے لیے ضروری ہے۔مسک نے سالانہ میٹنگ میں اعلان کیا کہ ٹیسلا اپریل سےسائبر کیب یعنی دو نشستوں والی روبوٹیکسی کی پیداوار شروع کرے گا۔
اہم خبریں سے مزید