فرمان الہی
نماز کے اوقات
کراچی (اسٹاف رپورٹر) کراچی ٹریفک پولیس نے ای ٹکٹنگ نظام شروع ہونے کے بعد سے اب تک 14روز کے دوران ٹریفک قوانین کی خلاف ورزیوں پر مجموعی طور پر 48 ہزار 211 الیکٹرانک چالان جاری کی۔ئے،سب سے زیادہ 31 ہزار 555چالان سیٹ بیلٹ نہ باندھنے پرجاری کیے گئے،ہیلمٹ نہ پہننے پر 8431، اوور اسپیڈنگ پر 2304 ،سرخ بتی کا اشارہ توڑنے پر 2009، ڈرائیونگ کے دوران موبائل فون کے استعمال پر1263 ، کالے شیشوں پر 670، فینسی نمبر پلیٹس پر 585، رانگ وے پر 556، مسافروں کوچھت پر بٹھانے پر 368 ،نو پارکنک پر 250، اسٹاپ لائن کی خلاف ورزی پر 233، بے جا لوڈ اور اوور لوڈنگ پر 132 ،لین لائن کے استعمال پر 65اور رانگ وے ان ون وے اسٹریٹ پر 58 ای چالان جاری کئے گئے،پولیس کے مطابق ٹیکس کی عدم ادائیگی پر تاحال ایک بھی ای چالان جاری نہیں کیا گیا ہے،گزشتہ 14 روز کے دوران پہلا ای چالان جاری ہونے پر 4800 شہریوں نے ٹریفک پولیس کے سہولت مراکز کا رخ کیا جن میں سے 90 فیصد سے زیادہ شہریوں کے ای چالان معاف کردیئے گئے جبکہ بقیہ ای چالان شہریوں کی جانب سے چیلنج کیے جانے پرخصوصی کمیٹی کوارسال کر دیئے گئے ہیں۔
