فرمان الہی
نماز کے اوقات
اسلام آباد (اسرار خان) آئل اینڈ گیس ریگولیٹری اتھارٹی (اوگرا) نے منگل کو ایل پی جی کے شعبے میں زیادہ قیمت وصول کرنے کے خلاف کارروائی کی، جس کے تحت فتح جنگ روڈ، ترنول، اور گرد و نواح میں تین پلانٹس کو سیل کر دیا گیا اور آپریٹرز کے خلاف قانونی چارہ جوئی کا آغاز کیا گیا۔ یہ نافذ العمل کارروائی ان شکایات کے بعد کی گئی ہے کہ متعدد ایل پی جی فلنگ پلانٹس 11.8 کلوگرام کے سلنڈر (201 روپے فی کلوگرام) کو اوگرا کی طرف سے مطلع کردہ صارف قیمت 2378 روپے سے کہیں زیادہ پر فروخت کر رہے تھے۔ تحقیقات سے یہ بات سامنے آئی کہ کچھ پلانٹس فی سلنڈر 2800 روپے سے 3000 روپے تک وصول کر رہے تھے، جس سے عوام میں بے چینی پھیل رہی تھی اور مہنگائی کو ہوا مل رہی تھی۔
