فرمان الہی
نماز کے اوقات
راولپنڈی (آن لائن) پاک بحریہ نے مقامی طور پر تیار کردہ بحری جہاز سے اینٹی شپ بیلسٹک میزائل کا کامیاب تجربہ کیا ہے۔صدر آصف علی زرداری ، وزیرِ اعظم محمد شہبازشریف ، فیلڈ مارشل عاصم منیر ، چیئرمین جوائنٹ چیفس آف اسٹاف کمیٹی ، نیول چیف و دیگر نے اس اہم کامیابی پر متعلقہ یونٹس اور سائنٹسٹس کو مبارکباد پیش کی ہے اور اس کو ملک کی دفاعی استعداد میں ایک اہم پیش رفت قرار دیا ہے ۔ اس میزائل میں جدید ترین گائیڈنس سسٹم اور نقل و حرکت کی اعلیٰ خصوصیات موجود ہیں، جو سمندری اور زمینی اہداف کو انتہائی درستگی کے ساتھ نشانہ بنانے کی صلاحیت رکھتا ہے۔پاک فوج کے شعبہ تعلقات عامہ ( آئی ایس پی آر ) کے مطابق چیف آف دی نیول اسٹاف نے سینئر سائنسدانوں اور انجینئرز کے ہمراہ فلائٹ ٹیسٹ کا مشاہدہ کیا۔
