• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹاک مارکیٹ، منافع کیلئے فروخت کا دباؤ برقرار، 292 پوائنٹس کی کمی

آج کا اخبار
اہم خبریں
26 نومبر ، 2025
کراچی ( اسٹاف رپورٹر)پاکستان اسٹاک ایکس چینج،منافع کی خاطر فروخت کے دباو سے مارکیٹ میں مندی ریکارڈ کی گئی، کے ایس ای100 انڈیکس میں 292 پوائنٹس کی کمی،59.53 فیصد کمپنیوں کے شیئرز کی قیمت کم ہو گئی، سرمایہ کاری مالیت 51 ارب 96 کروڑ 60 لاکھ روپے گھٹ گئی تاہم کاروباری حجم 20.43فیصد زیادہ رہا، تفصیلات کے مطابق کاروباری ہفتے کے دوسرے روز مارکیٹ میں ٹریدنگ کے آغاز پر تیزی دیکھنے میں آئی اور انڈیکس 835 پوائنٹس کے اضافے سے ایک لاکھ 62 ہزار کی حد بھی عبور کر گیا لیکن دوپہر کے بعد سرمایہ کاروں کی جانب سےمنافع کی خاطر فروخت کا دباؤ بڑھ گیا جس سے ایک موقع پر انڈیکس 708 پوائنٹس تک گھٹ گیا تاہم اس اتار چڑھاؤ کے بعد اختتام پر کے ایس ای100 انڈیکس291.59پوائنٹس کی کمی سے 161692.49 پوائنٹس پر آکر بند ہوا، کے ایس ای30 انڈیکس 81.29 پوائنٹس کے اضافے سے 49080.07 پوائنٹس ہو گیا اور آل شیئرز انڈیکس 270.69 پوائنٹس کم ہو جانے سے 97919.24 پوائنٹس پر آگیا، منگل کو مارکیٹ میں مجموعی طور پر 477 کمپنیوں کے شیئرزکا کاروبار ہوا،155کمپنیوں کے شیئرز کی قیمت میں اضافہ،284 کمپنیوں کے شیئرز کی قیمت میں کمی اور 38 کمپنیوں کے شیئرز کی قیمت مستحکم رہی۔
اہم خبریں سے مزید