فرمان الہی
نماز کے اوقات
پاکستان ڈرامہ انڈسٹری کی معروف اداکارہ نازش جہانگیر نے ایک مداح کے سوال کے جواب میں بابر اعظم سے متعلق ایسا بیان دیا جس نے سوشل میڈیا پر ہلچل مچا دی۔
نازش جہانگیر ڈرامہ انڈسٹری میں ایک منفرد مقام رکھتی ہیں، وہ اپنے کئی ڈراموں میں مشہور کرداروں سے شہرت حاصل کر چکی ہیں، اداکاری کے ساتھ ساتھ وہ مینٹل ہیلتھ آگاہی کی سرگرم کارکن بھی ہیں، انہوں نے 2017 میں ڈرامہ بھروسا سے اپنا کیریئر شروع کیا، بعد ازاں وہ متعدد ڈراموں میں نظر آئیں۔
اداکارہ نے 2022 میں سمیع خان کے ساتھ فلم لَفنگے سے فلمی سفر کا آغاز کیا، جبکہ 2024 میں وہ پپّے کی ویڈنگ میں خوشحال خان کے ساتھ جلوہ گر ہوئیں، انہیں لکس اسٹائل ایوارڈز میں بیسٹ ایمَرجنگ ٹیلنٹ کے لیے نامزدگی بھی مل چکی ہے۔
انسٹا گرام پر ایک غیر رسمی آن لائن سیشن کے دوران ایک صارف نے نازش جہانگیر سے پوچھا کہ اگر پاکستانی کرکٹر بابراعظم انہیں شادی کی پیشکش کریں تو وہ کیا جواب دیں گی۔
اس پر اداکارہ نے مختصر مگر واضح جواب دیا کہ میں معذرت ہی کروں گی۔
ان کے اس غیر متوقع ردِعمل نے سوشل میڈیا پر بحث چھیڑ دی، کئی صارفین نے نازش جہانگیر کی خود اعتمادی کو سراہا، جبکہ کچھ نے اس صورتحال کو مزاحیہ قرار دیا۔
