• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خصوصی بچے معاشرے میں انتہائی اہمیت کے حامل ہیں ،ڈپٹی کمشنر ملتان

میرا شہر
ملتان
29 نومبر ، 2025
ملتان (سٹاف رپورٹر) ڈپٹی کمشنر ملتان وسیم حامدنے کہا ہے کہ سپیشل بچے معاشرے میں انتہائی اہمیت کے حامل ہیں جو تعلیم اور کھیل کے میدان میں ملک و قوم کا نام روشن کر رہے ہیں اور اپنی صلاحیتوں کا ملکی تعمیر و ترقی میں لوہا منوا رہے ہیں ان خیالات کا اظہار انہوں نے ملتان پنجاب سپورٹس گالہ کے دو روزہ انٹر ڈسٹرکٹ مقابلہ جات کے دوسرے روز اختتا می تقریب سے خطاب کے دوران کیا جس میں سی ای او ڈاکٹر صفدر حسین واہگہ، ڈسٹرکٹ آفیسر سپیشل ایجوکیشن ذیشان احمد اور ڈی ای او سپورٹس عدنان نعیم نے شرکت کی۔ڈپٹی کمشنر نے مزید کہا کہ ہم نصابی سرگرمیاں سپیشل بچوں کی تعمیر و ترقی میں انتہائی مفید اور موثر کردار سر انجام دیتی ہیں اس موقع پر ڈسٹرکٹ آفیسر سپیشل ایجوکیشن نے سپورٹس آفیسر اور معاون سٹاف کو خوب سراہا اس موقع پر ڈپٹی ڈسٹرکٹ آفیسر سپیشل ایجوکیشن محمد عمران، میاں محمد ماجدپرنسپل سپیشل ایجوکیشن سکول، پرنسپل ڈگری کالج مس حمیرا ہاشمی،نعیم ارشد اور دیگر معززین بھی موجود تھے،ڈپٹی کمشنر وسیم حامد، سی ای او ڈاکٹر صفدر حسین واہگہ، ڈی ای او اسپیشل ایجوکیشن ذیشان احمد نے جیتنے والے کھلاڑیوں میں انعامات تقسیم کیے،مقابلوںمیں ڈسٹرکٹ ملتان نے 231 پوائنٹس کے ساتھ پہلی پوزیشن حاصل کی اور ڈسٹرکٹ ٹرافی حاصل کی جبکہ ڈسٹرکٹ لودھراں 225 پوائنٹس کے ساتھ دوسرے ڈسٹرکٹ وہاڑی 217 پوائنٹس کے ساتھ تیسرے اور ڈسٹرکٹ خانیوال 201 پوائنٹس کے ساتھ چوتھے نمبر پر رہا۔
ملتان سے مزید