• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں ڈکیتی اور چوری کی وارداتیں بڑھ گئیں، مزید 37 مقدمات درج

میرا شہر
ملتان
29 نومبر ، 2025
ملتان (سٹاف رپورٹر) شہر اور گرد و نواح میں ڈکیتی اور چوری کی وارداتیں بڑھ گئیں، پولیس نے 37 مقدمات درج کر لیے، تفصیل کے مطابق تھانہ بی زیڈ کے علاقے میں شہری اکبر سے دو ڈاکو اسلحہ کے زور پر موبائل فون چھین کر فرار ہو گئے، عاصم سے موبائل چھین لیا، یاسر کا سامان، رضوان کی موٹرسائیکل چوری ہو گئی، کوتوالی میں کوثر سے تین ڈاکو گن پوئنٹ پر نقدی، موٹرسائیکل و موبائل فون چھین کر لے گئے، مخدوم رشید میں زاہد اقبال سے موبائل فون چھین لیا، محمد رمضان کی بیٹریاں، آصف کی نقدی و موبائل فون چوری ہوئے، نیو ملتان میں محمد نعیم شاہ، وحید احمد سے موبائل فون چھین کر ملزمان فرار ہو گئے، سیتل ماڑی میں محمد حمزہ سے ڈاکو نقدی، موبائل و لیپٹاپ لوٹ کر فرار، دولت گیٹ میں محمد شہباز سے نقدی اور تھانہ جلیل آباد کے علاقے میں علی حمزہ اور محمد طیب سے موٹرسائیکل سوار ملزمان موبائل فونز لے گئے،  ممتاز آباد میں رشید کی نقدی 4 لاکھ روپے، اِرم آفرین کا موبائل فون، رکن عالم میں معصب عمیر، محمد عزیز کے موبائل فون، دہلی گیٹ میں مہک زہرہ کی نقدی و سونا، لوہاری گیٹ میں عزیز اللہ کی موٹر سائیکل، محمد عثمان کا موبائل فون، شجاع آباد میں رمضان کی موٹرسائیکل، راجہ رام میں عزیز مائی کی کھاد و غیرہ، جلالپور میں عامر کی دکان سے کریانہ سامان، بستی ملوک میں منیر احمد کے درخت، ڈی ایچ اے میں زنیر کی موٹرسائیکل اور تھانہ صدر کے علاقے میں صدیق کے موبائل فون چوری ہو گئے۔
ملتان سے مزید