فرمان الہی
نماز کے اوقات
پاکستان کے معروف فنکار فلک شبیر اور سارہ خان کی محبت بھری جوڑی ایک بار پھر مداحوں کے دل جیتنے میں کامیاب ہو گئی۔
سارہ خان کئی ہٹ ڈراموں میں اپنی شاندار اداکاری اور فلک شبیر اپنے گانوں کے لیے جانے جاتے ہیں، دونوں 2020 میں شادی کے بندھن میں بندھے تھے۔
فلک شبیر اپنی بیوی کے لیے محبت بھرے سرپرائزز کے لیے مشہور ہیں، خاص طور پر روزانہ گلاب کے پھول دینا ان کی عادت ہے۔
حال ہی میں سوشل میڈیا پر ایک ویڈیو وائرل ہو رہی ہے جس میں فلک شبیر نے اپنے گانے کی شوٹنگ کے دوران سارہ خان کے لیے ایک بڑا گلابوں سے لدا گلدستہ پیش کیا، سارہ خان اس موقع پر خوبصورت بیبی پنک فراک میں دلفریب نظر آ رہی تھیں۔
مداح فلک کی اس محبت بھرے انداز کو سراہتے ہوئے ان کے تعلقات میں بڑھتی محبت اور احترام کی تعریف کر رہے ہیں اور جوڑے کی خوشحالی کے لیے دعائیں کر رہے ہیں۔
