فرمان الہی
نماز کے اوقات
وزیرِ اعلیٰ سندھ مراد علی شاہ نے کہا ہے کہ کلچر فیسٹیول کے لیے پاکستان آمد پر بین الاقوامی فنکاروں کا شکر گزار ہوں۔
انہوں نے کلچر فیسٹیول کی اختتامی تقریب سے خطاب میں کہا کہ آرٹس کونسل کراچی نے خوبصورت میلے کا انعقاد کیا، 140 سے زائد ممالک سے آرٹسٹ آرٹس کونسل کراچی آئے ہیں۔
وزیرِ اعلیٰ سندھ کا کہنا ہے کہ ثقافت ہماری شناخت ہے، وزیرثقافت سندھ نے بہت محنت کی ہے۔
مراد علی شاہ نے کہا ہے کہ سندھ کی ثقافت بہت قدیم ہے، سندھ امن کی سر زمین ہے۔
انہوں نے کہا کہ سندھ واحد صوبہ ہے جہاں پاکستان اور دنیا بھر کی تمام زبانیں بولی جاتی ہیں۔
وزیرِ اعلی نے کہا کچھ لوگ سمجھتے ہیں کہ کراچی 1947ء کے بعد بنا ہے، کراچی میں 1947ء سے پہلے بھی بہت کچھ بن چکا تھا۔
ان کا کہنا ہے کہ بچوں کی بہت سی پرفارمنس دیکھ چکا ہوں، آج پورا شہر خوشی سے جھوم رہا ہے۔
مراد علی شاہ نے کہا کہ شہر کے لوگ خیال رکھیں اپنی خوشیوں کی وجہ سے کسی کو تکلیف نہ دیں۔
