• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سعودی عرب کی 3ارب ڈالرزڈپازٹ کی مدت میں توسیع سے ادائیگی کا توازن بہتر

آج کا اخبار
اہم خبریں
08 دسمبر ، 2025
اسلام آ باد ( رانا غلام قادر)سعودی عرب کی جانب سےتین ارب ڈالرزکےڈپازٹ کی مدت میں مزیدتوسیع سےادائیگی کا توازن بہتر ،جاری سہ ماہی میں بیرونی ادائیگیوں کاحجم کم ہو کر 1ارب86 کروڑ40 لاکھ ڈالرز رہ گیا ،جو اس سے قبل 4 ارب 86 کروڑ 40 لاکھ ڈالرز تھا۔ ذرائع وزارت خزانہ کےمطابق پاکستان نےاکتوبر تادسمبر2025 کی جاری سہ ماہی میں مجموعی طور پر4 ارب 86 کروڑ 40 لاکھ ڈالرز کی بیرونی ادائیگیاں کرنی تھیں،اس بیرونی ادائیگی کی رقم میں 3ارب ڈالرزکاسعودی عرب کاڈپازٹ بھی شامل تھا اب سعودی عرب کی جانب سے ڈپازٹ کی مدت میں مزید ایک سال کی توسیع سے بیرونی ادائیگیوں کاحجم کم ہوکر ایک ارب86 کروڑ40 لاکھ ڈالرز رہ گیا ہےجو اس سے قبل 4 ارب 86 کروڑ 40 لاکھ ڈالرز تھا،قبل ازیں سعودی عرب کی جانب سے3ارب ڈالرزڈپاذٹ کی مدت میں مسلسل 3 بار 2022،2023 اور2024 میں ایک،ایک سال کی توسیع کی جاچکی ہے۔
اہم خبریں سے مزید