• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں پہلی بایو گیس بسیں چلانے جا رہے ہیں، شرجیل میمن

آج کا اخبار
اہم خبریں
10 دسمبر ، 2025
کراچی (اسٹاف رپورٹر)سندھ کے سینئر وزیر و صوبائی وزیر ٹرانسپورٹ شرجیل انعام میمن نے کہا ہے کہ حکومت سندھ، پاکستان میں پہلی بار بایو گیس سے چلنے والی بسیں چلانے جا رہی ہے، بایو گیس اور ای وی گاڑیوں سے ماحولیاتی آلودگی میں کمی لانے میں مدد ملے گی۔ ایشین ڈویلپمنٹ بینک (اے ڈی بی) کے اعلیٰ سطح کے وفد نے منگل کو یہاں سینئر وزیر سے ان کے دفتر میں ملاقات کی، جس میں ٹرانسپورٹ سے متعلق منصوبوں کی مالی معاونت اور مستقبل کے اہم اقدامات پر تفصیلی تبادلہ خیال کیا گیا۔اے ڈی بی کے وفد نے ٹرانسپورٹ کے جاری منصوبوں اور مستقبل میں بھی ٹرانسپورٹ اور موبلٹی کے مزید منصوبوں میں معاونت کی یقین دہانی کرائی۔
اہم خبریں سے مزید