• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریلی کے شرکا کا ہنگامہ، ملک دشمن نعرے، مقدمہ درج

آج کا اخبار
اہم خبریں
08 دسمبر ، 2025
کراچی (اسٹاف رپورٹر )سندھ کلچر ڈے کے موقع پر شاہراہ فیصل ایف ٹی سی کے قریب ریلی کے شرکاء کی جانب سے ہنگامہ آرائی ، توڑ پھوڑ اور شہریوں ، سرکار ی گاڑیوں کو نقصان پہنچانے کے خلاف صدر پولیس نے 12افراد کو گرفتار کرکے سرکار مدعیت میں انسداد دہشت گردی ، کار سرکار میں مداخلت ، اقدام قتل سمیت دیگر سنگین نوعیت کی دفعات کے تحت مقدمہ درج کرلیا جبکہ ریلی کے شرکاء ملک دشمن نعرے بازی بھی کررہے تھے ۔ مقدمہ الزام نمبر 536/2025صدر تھانے میں تعینات اسنپکٹر عبدالمجید ابڑو کی مدعیت میں درج کیا گیا ۔ مدعی مقدمہ کے مطابق دوپہر ڈھائی بجے کے قریب شاہراہ فیصل کے قریب موجود تھا کہ ایک ریلی ائیر پورٹ سے صدر جانے والی روڈ پر آئی جس کے شرکاء مختلف گاڑیوںاور موٹر سائیکلوں پر سوار تھے ۔ حکومت سندھ کی جانب سے ریلی پر پابندی ہے اور دفعہ 144 نافذ ہے ۔ جس کے باعث ریلی کی شرکاء کو روکنے کی کوشش کی جہاں دیگر پولیس افسران بھی موجود تھے ۔ تو ریلی کے شرکاء نے ایف ٹی سی پہنچ کر شاہراہ فیصل کے دنوں اطرا ف کی سڑکیں بند کردیں اور پولیس پر پتھراؤ اور آتشی اسلحہ سے فائرنگ کردی جبکہ مسافروں کی گاڑیوں کو نقصان بھی پہنچایا جس کے نتیجے میں ایمبولینس ، ریڈ بس اور صدر پولیس کی سرکاری موبائل کو شدید نقصان پہنچا جبکہ ریلی کے شرکاء ملک دشمن نعرے بازی بھی کررہے تھے ۔ او ر پولیس پر حملہ بھی کیا ۔ پولیس نے شیلنگ کی اور سرکاری و غیر سرکاری املاک کو نقصان پہنچانے سے روکا ۔ ریلی کے شرکاء کی تعداد 300 سے 400 کے قریب تھی جن میں 12افراد شہروز ، سلمان ، شاون علی ، ارشاد ، زبیر احمد ، علی محمد ، عبیداللہ ، ذوالفقار ، ساجد حسین ، اویس اور اطہر علی کو گرفتار کیا گیا ۔ صدر پولیس نے گرفتار ملزمان کے دیگر ساتھیوں صورت نامعلوم 300سے 400 افراد کے خلا ف مقدمہ درج کرلیا ہے۔ پولیس کے مطابق گرفتار ملزمان سے تفتیش کا عمل جاری ہے جبکہ فرار ہونے والے افراد کی تلاش کا عمل شروع کردیا گیا ہے ۔
اہم خبریں سے مزید