فرمان الہی
نماز کے اوقات
کراچی(اسٹاف رپورٹر)ایئر وائس مارشل عامر منیر کی قیادت میں26 دوست ممالک کے58 فوجی افسران پر مشتمل ایک وفد نے منگل کوبین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کا دورہ کیا، اس موقع پرسینئر پاکستانی حکام بھی موجود تھے۔ سابق وفاقی وزیر سائنس و ٹیکنالوجی اور سرپرستِ اعلیٰ آئی سی سی بی ایس پروفیسر ڈاکٹر عطاء الرحمن اور آئی سی سی بی ایس کے ڈائریکٹر پروفیسر ڈاکٹر محمد رضا شاہ نے ایئر وائس مارشل عامر منیر اور وفد کا گرم جوشی سے استقبال کیا۔ پروفیسر ڈاکٹر عطاء الرحمن نے پروفیسر سلیم الزمان صدیقی آڈیٹوریم میں منعقدہ خصوصی تقریب سے کلیدی خطاب کرتے ہوئے کہا کہ آئی سی سی بی ایس اپنی تعلیمی حیثیت کے علاوہ سائنسی تحقیق، کیپیسٹی بلڈنگ، اور بین الاقوامی تعاون کے شعبوں میں نمایاں اہمیت رکھتا ہے۔ پروفیسر عطاالرحمن نے خبردار کیا کہ دنیا کے سائنس، ٹیکنالوجی اور انوویشن کی طرف بڑھنے کے باوجود پاکستان اس کے برعکس اپنی اعلیٰ تعلیم کے شعبے کو نقصان پہنچا رہا ہے۔
