فرمان الہی
نماز کے اوقات
لاہور کی ضلع کچہری نے یوٹیوبر سعد الرحمان عرف ڈکی بھائی کے سوشل میڈیا اکاؤنٹس، اے ٹی ایم کارڈز کی سپرداری درخواست پر نیشنل سائبر کرائم انویسٹی گیشن ایجنسی (این سی سی آئی اے) کو رپورٹ پیش کرنے کا حکم دے دیا۔
جوڈیشل مجسٹریٹ نعیم وٹو نے سعد الرحمان عرف ڈکی بھائی کی درخواست پر سماعت کی۔
عدالت میں این سی سی آئی اے کے وکیل نے ایک بار پھر رپورٹ جمع کرانے کے لیے مہلت مانگ لی جس پر عدالت نے 15 دسمبر تک این سی سی آئی کو رپورٹ پیش کرنے کا حکم دیتے ہوئے سماعت ملتوی کردی۔
واضح رہے کہ لاہور ہائی کورٹ نے جوئے کی اپلیکشنز کی پرموشن کے مقدمے میں ڈکی بھائی کی درخواستِ ضمانت منظور کی تھی۔
عدالت نے ڈکی بھائی کی درخواست ضمانت منظور کرتے ہوئے انہیں 10 لاکھ روپے مالیت کے مچلکے جمع کرانے کا حکم دیا تھا۔
