• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر نے اہم قانون سازی کی منظوری دیدی، دانش اسکولز اتھارٹی بل واپس

آج کا اخبار
اہم خبریں
18 دسمبر ، 2025
اسلام آباد (طاہر خلیل)صدرِ مملکت آصف علی زرداری نے اہم قانون سازی کی منظوری دے دی، دانش سکولز اتھارٹی بل 2025وزیر اعظم کو واپس بھجوادیا۔ صدرِ مملکت آصف علی زرداری نے کہا کہ صوبوں میں دانش سکولز کے قیام کی صورت میں متعلقہ صوبائی حکومتوں سے پیشگی مشاورت ناگزیر ہے۔ بدھ کو ایوانِ صدر کے میڈیا وِنگ کے مطابق صدرِ مملکت نے قانونِ شہادت (ترمیمی) بل 2025 اور نیشنل کمیشن فار مائنورٹیز رائٹس بل 2025 کی منظوری دےدی جبکہ کنگ حمد یونیورسٹی آف نرسنگ اینڈ ایسوسی ایٹڈ میڈیکل سائنسز بل 2025 کی توثیق کردی،صدر مملکت نے دانش سکولز اتھارٹی بل 2025 صوبائی مشاورت کی ضرورت کے پیشِ نظر نظرِ ثانی کےلئے وزیر اعظم کو واپس بھجوادیا۔ صدرِ مملکت آصف علی زرداری نے کہا کہ صوبوں میں دانش سکولز کے قیام کی صورت میں متعلقہ صوبائی حکومتوں سے پیشگی مشاورت ناگزیر ہے۔ 
اہم خبریں سے مزید