فرمان الہی
نماز کے اوقات
اسلام آباد(عاطف شیرازی) شہری پٹرولیم لیوی کی مدمیں مزیداضافی بوجھ کیلئے ہوجائیں تیار، آئی ایم ایف کی رپورٹ میں پٹرولیم لیوی کی وصولیوں کے تخمینہ جات سامنےآگئے،رواں مالی سال پٹرولیم لیوی کی وصولی کا تخمینہ 1468 ارب روپے ہےجبکہ چار سال بعد پاکستانیوں سے پٹرولیم لیوی کی مد میں سالانہ وصولیاں بڑھ کر2212 ارب روپے تک پہنچنے کا تخمینہ لگایا گیا ہے ،شہری پہلے ہی پیٹرولیم لیوی کے بھاری بوجھ کی زد میں ہیں اوراس بوجھ کوہرگزرتے سال کے ساتھ بڑھانے کا منصوبہ بنایا گیا ہے ،آئی ایم ایف کی رپورٹ میں درج تفصیلات کے مطابق رواں مالی سال پٹرولیم لیوی کا وصولی کا تخمینہ ایک ہزار 468 ارب روپے ہے ، جس میں سے ساڑھے پانچ ماہ میں حکو مت650 ارب روپےسے زائد وصول کرچکی ،آئندہ مالی سال پٹرولیم لیوی کی وصولی کےلیے1638ارب روپے اورمالی سال2027۔28میں پٹرولیم لیوی کی وصولی کاتخمینہ1787ارب روپے لگایا گیا ہے جبکہ مالی سال 2028۔29میں پٹرولیم لیوی کی وصولی کا1989ارب روپے اور مالی سال2029۔30 میں پٹرولیم لیوی کی وصولی کاتخمینہ2212 ارب روپے لگایا گیا ہے۔
