• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اظہر جاوید دوبارہ اینٹی منی لانڈرنگ سرکل حیدرآباد میں تعینات وزیر اعلیٰ بہارکےرویے سے ثابت ہوگیا دو قومی نظریہ آج بھی برحق ہے،عظمیٰ بخاری

میرا شہر
لاہور
19 دسمبر ، 2025
لاہور (خصوصی نمائندہ/خصوصی رپورٹر) وزیر اطلاعات و ثقافت پنجاب عظمٰی بخاری نے کہا ہے کہ بہاری وزیر اعلیٰ کےرویے سے ثابت ہوگیا دو قومی نظریہ آج بھی برحق ہے۔ خدا تعالیٰ کا شکر ہے کہ ہم ایک آزاد ملک میں رہتے ہیں، جہاں خواتین کی عزت اور مذہبی اقدار کا احترام کیا جاتا ہے۔سماجی رابطے کی ویب سائٹ ایکس پر جاری اپنے بیان میں بھارت کی ریاست بہار کے وزیراعلیٰ کے حالیہ عمل کو خاتون اور حجاب کی صریح بے حرمتی قرار دیتے ہوئے شدید الفاظ میں مذمت کی ہے۔انہوں نے کہا کہ بہار کے وزیراعلیٰ کا یہ رویہ اس حقیقت کو ایک بار پھر اجاگر کرتا ہے کہ دو قومی نظریہ آج بھی زندہ اور برحق ہے۔ برصغیر کے مسلمانوں نے جن خدشات کی بنیاد پر علیحدہ وطن کا مطالبہ کیا تھا، ایسے واقعات ان خدشات کی عملی تصویر ہیں۔عظمٰی بخاری نے اپنے بیان کے ساتھ وزیراعلیٰ پنجاب مریم نواز شریف کی جانب سے ایک خاتون آفیسر کی عزت افزائی کی ویڈیو بھی شیئر کی اور کہا کہ پاکستان میں خواتین کو عزت، وقار اور تحفظ حاصل ہے، جبکہ پنجاب حکومت خواتین کو بااختیار بنانے کے لیے عملی اقدامات کر رہی ہے۔عظمٰی بخاری نے عوام سے اپیل کی کہ وہ پاکستان اور آزادی جیسی عظیم نعمت کی قدر کریں اور قومی یکجہتی کو مضبوط بنائیں۔
لاہور سے مزید