فرمان الہی
نماز کے اوقات
بالی ووڈ فلم ویلکم کی ریلیز کے 18 سال مکمل ہونے پر ہندی فلموں کے سینئر اداکار انیل کپور نے مرحوم فیروز خان کی فلم میں یادگار کردار آر ڈی ایکس کو خراجِ عقیدت پیش کرتے ہوئے ایک جذباتی نوٹ شیئر کیا۔
ان کا کہنا تھا کہ فیروز خان نے اس فلم کو کامیاب بنانے میں اہم کردار ادا کیا۔
اس موقع پر انہوں نے پرانی تصاویر بھی شیئر کیں، جن میں فیروز خان اور نانا پاٹیکر نظر آ رہے ہیں، اس کے کیپشن میں انہوں نے لکھا کہ آر ڈی ایکس کے بغیر ویلکم، ویلکم نہیں تھی۔
69 سالہ انیل کپور نے ہدایت کار انیس بزمی کا حوالہ دیا، جن کا کہنا تھا کہ فیروز صاحب فلم کو کامیاب کرائیں گے۔
قابلِ ذکر بات یہ ہے کہ ویلکم فیروز خان کی آخری فلم تھی، جس کے بعد اپریل 2009 میں ان کا کینسر سے انتقال ہوگیا تھا۔
انیل کپور نے کہا جب میں نے فلم کا مسودہ سنا تو میں سوچ رہا تھا کہ یہ کیسے اثر پذیر ہوگا، پکچر یہاں آ کر رک سی جاتی ہے، جیسے بیٹھ جاتی ہو۔
انیس بھائی نے کہا کہ فکر مت کرو، فیروز صاحب پکچر کو اٹھا لیں گے اور واقعی ایسا ہی کیا، آر ڈی ایکس نے فلم کو کامیاب کرایا۔
