فرمان الہی
نماز کے اوقات
کراچی (نیوز ڈیسک) عمران خان کے بیٹوں سلیمان اور قاسم خان نے کہا ہے کہ ہمارے والد کے ساتھ ظالمانہ اور غیر انسانی سلوک کیا جا رہا ہے۔ جیل کی مدت میں اضافہ ڈیتھ سیل کے مترادف، عالمی برادری سے انصاف کے لیے توجہ دینے کی اپیل کرتے ہیں۔ دا ٹائم کے مطابق سلیمان اور قاسم خان، جو سابق وزیرِ اعظم عمران خان اور جمیما گولڈ اسمتھ کے بیٹے ہیں نے کہا ہے کہ پاکستان میں ان کے والد کے ساتھ جو سلوک ہو رہا ہے وہ انتہائی ظالمانہ اور غیر انسانی ہے۔ انہوں نے اپنے والد کی جیل کی مدت میں حالیہ اضافے پر تشویش ظاہر کی اور اسے “موت کی قید” کے مترادف قرار دیا۔ ان کے مطابق عمران خان کو سیاسی اور قانونی دباؤ کے تحت سخت حالات میں رکھا گیا ہے، اور اس طرح کے سلوک سے نہ صرف ان کی شخصیت کو نقصان پہنچ رہا ہے بلکہ یہ پاکستان کے عدالتی اور انسانی حقوق کے نظام پر سوالات بھی کھڑے کرتا ہے۔ بیٹوں نے عالمی برادری اور میڈیا سے اپیل کی کہ وہ اس غیر معمولی اور غیر انسانی صورتحال پر توجہ دیں اور انصاف کے لیے آواز بلند کریں۔
