• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈیا ورکرز کے مسائل کے حل کیلئے بھرپور اقدامات اٹھا رہے ہیں، سیکرٹری لیبر

آج کا اخبار
اہم خبریں
25 دسمبر ، 2025
کراچی (اسٹاف رپورٹر) سیکرٹری لیبر اینڈ ہیومن ریسورسز ڈپارٹمنٹ سندھ اسد اللہ ابڑو نے کہا ہے کہ مزدوروں کے مسائل حل کرنے کیلئے بھرپور اقدامات اٹھا ئے جارہےہیں،قوانین کی بہتری کیلئے بھرپور کام ہورہا ہے اور میڈیا ہاؤسز میں لیبر قوانین پر عملدرآمدکو یقینی بنایا جائے گا۔ ان خیالات کا اظہار انہوں نےاپنے دفتر میں آل پاکستان نیوز پیپر ایمپلائز کنفیڈریشن (ایپنک)کےوفد سے گفتگومیں کیا۔ وفد کی قیادت چیئرمین ایپنک شکیل یامین کانگا نے کی جبکہ دیگر عہدیداروں میں طاہر حسن خان، دارا ظفر، محمد عرفان خان، ندیم محموداور سید صابر علی شامل تھے۔ وفد نے شعیب ابڑوکو میڈیا وکرز کی مشکلات اور اداروں میں کئی کئی برسوں سے ملازمت کرنے کے باوجودورکرز کو اپائنمنٹ لیٹرز کے جاری نہ ہونے، لیبر کورٹس اور ویجیز کمپنسیشن میں کیسز کے نہ چلنے سے سائلین کو درپیش مسائل ، ملازمین کی تنخواہوں میں غیر ضروری تاخیر اور واجبات کی عدم ادائیگی، کم سے کم تنخواہوں کے قانون عملدرآمد نہ ہونےسمیت دیگر مسائل سے آگاہ کیا گیا۔
اہم خبریں سے مزید