فرمان الہی
نماز کے اوقات
کراچی (اسٹاف رپورٹر)محکمہ اسکول ایجوکیشن سندھ کے ماتحت ڈائریکٹوریٹ آف انسپکشن اینڈ رجسٹریشن آف پرائیویٹ انسٹی ٹیوشنز سندھ نے نجی اسکولوں کی جانب سے فیسوں میں غیر قانونی اضافے، والدین کو ہراساں کرنے اور سندھ پرائیویٹ ایجوکیشن انسٹی ٹیوشنز ایکٹ 2013 کی خلاف ورزیوں پر سخت کارروائی کا اعلان کرتے ہوئے متعدد نجی اسکولوں کی رجسٹریشن معطل کردی ہے۔ ڈائریکٹوریٹ کی جانب سے 24 دسمبر 2025 کو جاری کردہ پریس ریلیز کے مطابق، یہ کارروائی درخواست نمبر 1592/2025 پر موصول ہونے والی شکایات اور سندھ ہائی کورٹ کے احکامات کی روشنی میں کی گئی ہے۔ اعلامیے میں کہا گیا ہے کہ کئی نجی تعلیمی ادارے طلبہ اور والدین پر غیر قانونی فیسوں کا دباؤ ڈال رہے تھے، جبری وصولیاں کی جا رہی تھیں اور بعض اسکول انتظامیہ کی جانب سے طلبہ کو ہراساں بھی کیا جا رہا تھا۔
