فرمان الہی
نماز کے اوقات
رحیم یارخان(این این آئی)جمعیت علمائے اسلام (ف)کے سربراہ مولانا فضل الرحمان نے کہا ہے کہ آئین سے کھلواڑ برداشت نہیں، ملک کا مستقبل پارلیمانی نظام سے جڑا ہے،انتخابات شفاف ہوں تو عوامی مینڈیٹ کی عزت ہوگی،پنجاب حکومت کی جانب سے علما کو اعزازیہ دینے کا عمل علما کی توہین ہے، شریعت میں کسی کو استثنیٰ حاصل نہیں، احتساب سب کیلئے برابر ہونا چاہیے۔ رحیم یار خان میں پریس کانفرنس سے خطاب کرتے ہوئے مولانافضل الرحمان نے کہاکہ اگر زمینی حقائق کو سامنے رکھ کر صوبوں کی تقسیم کی جائے تو کوئی حرج نہیں، لیکن سیاسی بنیاد پر ایسا اقدام انتشار کو جنم دیگا۔ سربراہ جے یوآئی نے کہاکہ2018اور 2024کے انتخابات میں عوامی رائے کا احترام نہیں کیا گیا اور اگر الیکشن میرٹ پر ہوتے تو آج ملک مہنگائی اور استحصال کا شکار نہ ہوتا۔مولانا فضل الرحمان نے پی ٹی آئی سے مذاکرات کو سیاست میں مثبت قدم قرار دیتے ہوئے واضح کیا کہ ہر جماعت کو احتجاج کا جمہوری حق حاصل ہے، لیکن قانون کے دائرے میں رہ کر۔
