فرمان الہی
نماز کے اوقات
بالی ووڈ سپر اسٹار سلمان خان کی 60ویں سالگرہ کی تقریب کی اندرونی کہانی سامنے آگئی ہے۔
گزشتہ روز ممبئی شہر سے باہر سالگرہ تقریب سلمان کے فارم ہائوس پان ویل میں منائی گئی۔
اس موقع پر انواع و اقسام کے دلچسپ کھانوں کا مینو تھا، 27 دسمبر کو ہونے والی تقریب شاندار رہی۔
رات بھر جاری رہنے والی اس پارٹی میں کباب، دال، پنیر اور فرانسیسی میٹھی ڈشز کا اہتمام کیا گیا تھا، ضیافت میں مہمانوں کے لیے خصوصی وینی ٹی وینز کا بھی انتظام تھا۔
تقریب کی جگہ کو سفید گلاب سے سجایا گیا اور پس منظر میں دھیمی موسیقی کا انتظام تھا، اس موقع پر قریبی دوست، اہلِخانہ اور فلم انڈسٹری سے تعلق رکھنے والی شخصیات نے شرکت کی۔
ان میں بھارتی کرکٹ کپتان ایم ایس دھونی اور منیش پال بھی شامل تھے۔ سلمان خان نے کیک پاپارازی کے ساتھ کاٹا، وہ سادہ سیاہ ٹی شرٹ میں نظر آئے، یہ پر مسرت جشن رات بھر جاری رہا۔
بھارتی میڈیا کے مطابق تقریب کی اہم بات کھانوں کا چنائو تھا، جن پر سلو بھائی نے خصوصی توجہ دی تھی، ویجیٹیبل اسٹارٹر میں کوٹی کباب، دہی کباب، آلو ٹکی اور بروکلی کباب پیش کیے گئے جبکہ بنا سبزی والے کباب کی پانچ اقسام بھی شامل تھیں۔
سبزی والے مرکزی کھانوں میں مختلف اقسام کی روٹیاں، دال کی 2 قسمیں، پنیر کی گریوی اور چاول شامل تھے جبکہ میٹھے میں گاجر کا حلوہ، گلاب جامن، ربڑی، آئس کریمز اور ملائی ڈیزرٹ پیش کیا گیا۔
ان کے ساتھ پارسی ڈیزرٹ بھی موجو تھا، دیگر اشیا میں پیسٹریز، میکارونز فیرامڈز، آلمنڈ بوسٹوک اور فرنچ ٹوسٹ کلاسک اور ٹیرامیسو بھی شامل تھے۔
بتایا جاتا ہے کہ سلمان نے رات فارم ہائوس پر بسر کرنے والے اداکاروں کے لیے وینی ٹی وینز کا انتظام کیا تھا، تاہم زیادہ تر مہمان صبح 6 سے 7 بجے فارم سے روانہ ہوگئے تھے۔
